До снованя Союзу Русинох и Українцох Републики
Горватскей 1968. року, у Горватскей школованє на
мацериньским язику, просвитна и културно - мистецка дїалносц нє
були баш на даяким уровню. Дїствовали лєм два културно -
уметнїцки дружтва:
-
Културно - уметнїцке дружтво "Йоаким Гарди" Петровци
-
Културно - уметнїцке дружтво "Йоаким Ґовля" Миклошевци
Обставини у школству тиж так нє були
нїч лєпши. Мацериньски яазик виучовал ше факултативно лєм у
Петровцох и Миклушевцох, и то по штварту
класу основней школи. Зоз снованьом
Союзу Русинох и Українцох Републики Горватскей, як централней и
кровней орґанизациї Русинох и Українцох Републики Горватскей
обставини ше зошицким
вименєли. Тераз у склопу Союза дїйствую 10 самостойних културно -
уметнїцких, або просвитних дружтвох:
- Културно - уметнїцке дружтво "Йоаким Гарди" Петровци
- Културно - уметнїцке дружтво "Йоаким Ґовля" Миклошевци
- Културно - уметнїцке дружтво "Осиф Костелник" Вуковар
- Културно - просвитне дружтво Русинох и Українцох - Заґреб
- Културно - просвитне дружтво Русинох и Українцох - Осиєк
- Културно - дружтво Русинох и Українцох - Винковци
- Културно - просвитне дружтво "Україна" Славонски Брод
- Културно - просвитне дружтво Українцох "Карпати" Липовляни
- Културно - уметнїцке дружтво "Андрий Пелих" Шумече
- Културно - просвитне дружтво Русинох и Українцох - Риєка
Темельни цилї и задатки Союзу Русинох и Украйинцох Републики
Горватскей, то успоставянє, очуванє и отримованє, як и
унапредзованє цалохо националнохо индентитету и опстойносци
русинскей и українскей националней меншини. Вони ше видза у
главних сеґментох животу Русинох и Українцох на полю култури и
просвити, у пестованю и образованю, информованю и видавательству
на мацеринским язику Русинох и Українцох, та у културним
аматеризму. Тоти цилї и задатки виполню ше през урядови програми
дїалносци.
Союз ушорени на таки способ:
а) Виборни цела: Скупштина, Предсидательство,
Редакция "Нова
Думка" и Надпатраюци одбор
б) Фахова служба Союзу: тайомнїк Союзу, аниматор култури Союзу,
административна служба
ц) Цела Союзу: Совит за културу и просвиту, Совит завидавательну
дїалносц
У склопу Союзу дїйствую одбори и комисиї:
- Одбор за
културни аматеризам
- Одбор за школство и лєтну школу Русинох и Українцох
- Одбор за зазберйованє етноґрафскей и историйней градзи Русинох
и Українцох у Републики Горватскей
Ушоренє Редакциї "Нова думка" випатра так:
а) Совит Редакциї "Нова думка"
б) Главни и одвичательни редактор
ц) Редакция "Новей думки"
При Союзу Русинох и Українцох исную ище:
а) Централна библиотека Русинох и Укразнцох Горватскей у
Вуковаре на руским, українским, горватским и
других яазикох зоз
зоз тематику нашей историї, публицистики,
фоклористики,
етноґрафиї, етнолоґиї, мистецтва и вообще о
култури Русинох и
Українцох дома и у швеце.
б) Етноґрафска збирка Русинох и Українцох Горватскей у Петровцох
у власним будимку традицийного панонско -
волиньского типу
рускей гижи, обисца зоз ґаздовским
характеристиками и домашнїм
ремеслом. Тиж так и зоз кнїжками з хторима ше
служели Русини и
Українци у каждодньовим практичним и церковним
живоце.
ц) Петровски дзвон - Централна манифестация култури, котра ше
отримує раз рочно у Петровцох. На нєй Русини и
Українци
Горватскей указую свою творчосц у литератури,
музики и
фоклору. У єй рамикох отримує ше и округли стол
зоз тематику
историї, просвити и култури, а дїйствує и
подобова колония.
д) Подобова колония Русинох и Українцох Горватскей, котра ше
отримує у рамикох "Петровского дзвону". На тот
способ створени
красни фундус подобових и мистецких дїлох, та ше
роздумує и о
можлївосци снованя окремней ґалериї Русинох и Українцох
Горватскей. |
