|
Лєтна школа мацеринскей бешеди и култури Русинох и Українцох РГ
У
орґанизациї Союзу Русинох и Українцох РГ и з финансийну потримовку
Министерства науки, просвити и спорту, у Гостелу Карловац д.о.о.
Е. Антича 69 у Селцох при Цриквеници, отрима Лєтна школа
мацеринскей бешеди и култури Русинох и Українцох РГ и то од 10. по
24. ауґуст на котрих участвовали 122 учашнїки и наставнїки зоз
рижних наших местох дзе жию припаднїки рускей и українскей
националней меншини.
У предполадньових годзинох после ставаня и пораєня хижох, од 9.00
по 12.20 годзин отримовали ше годзини язика и литератури, историї,
ґеоґрафиї и музичней култури и то пo ґрупох:
I -
ґрупа – школяре котри нє знаю мацерински язик и писмо лєбо
нєподполно вадаю з нїма.
II -
ґрупа – школяре котри активно хасную мацерински язик и писмо.
У
одношеню на потерашнї Лєтни школи зоз предполадньову наставу,
после годзинох мацеринского язика, кнїжовносци и историї
орґанизована робота по ґрупох и то ученє народних танцох,
хореоґрафиї, етнолоґиї, хору, вокалного и дуетного шпиваня.
Спортски и рекреативни активносци орґанизовани на адекватних
теренох котри зме мали на розполаганю у пополадньових годзинох и
то:
-
Турнир у малим фодбалу на котрим участвовали 3 екипи
-
Турнир у одбойки на котрим участвовали 3 екипи
-
Змаганє у плїваню на у котрим участвовало 20 учашнїкох
После
спортских змаганьох предлужело ше робота по ґрупох за народни
танци, хорске и вокалне шпиванє и мальованє.
Вечарши годзини були наменєни нашим писательом, а того року
означована 100-рочнїца од народзеня Михала Ковача и 195-рочнїца од
народзеня Тараса Шевченка, як и вечари танцу и забави.
Тематски преподаваня отримовани о животу и роботи нашей
националней меншини од приселєня по нєшка, як и о народних
обичайох и традициї.
Упознац знаменїтосци краю у котрим ше отримує Лєтна школа барз
значна у виховйованю и просвити, та орґанизовани вилєт до
аквариюму у Цриквеници, а нащивена месна церква у Селцох.
Предостатнього дня пред госцами котри жию у Гостелу карловацкого
дзецинского одпочивалїща, родичом и туристом учашнїки Лєтней школи
представели ше зоз богату програму котру порихтали зоз своїма
учителями и руководителями у 18 точкох. Прекрасна културна
програма народних танцох, хорских писньох, рецитацийох, а
поставена и виставка малюнкох наших наймладших малярох котри у
младшей ґрупи ходзели на годзини малярства.
Того
року по перши раз участвовали и аматере зоз Риєки КПД Русинох и
Українцох «Калїна» котри ше представели зоз нашима писнями.
Найвекшу увагу достали танцоше котри танцовали у народним
облєчиве, а котре за тоту нагоду принєсол предсидатель дружтва
КУД-а «Андрий Пелих» зоз Шумеча и подпредсидатель Союзу Русинох и
Українцох РГ Дарко Карамазан, котри и поздравел шицких учашнїкох и
присутних на цаловечаршим концерту у Селцох.
Водитель Лєтней школи Русинох и
Українцох РГ
Звонко Костелник, проф.
|
