|
Українски предсидатель Виктор Ющенко одликовал Владимира Провчия
Владимир
Провчи, предсидатель КД „Рушняк“ Приморско ґоранскей жупаниї ,
пондзелок 09. марца 2009. року, у Вєчници городу Риєки достал
орден III
ступню за заслуги зоз хторим го одликовал предсидатель України,
Виктор Ющенко.
Орден
Провчийови уручел амбасадор України у Републики Горватскей,
Маркиян Лубкивский а у присутносци городоначалнїка Риєки Войка
Оберснела и члена жупанийского поглаварства Недилька Томича.
Спред
Союзу Руснацох и Українцох РГ, святочносци присуствовал Дарко
Карамазан, подпредсидатель Союзу.
Владимир Провчи народзени у Миклошевцох 1946. року. По заниманю
бул виши медицински технїчар а однєдавна є у пензиї.
По
вокациї, любитель нашей култури, 2001. року порушує и орґанизує
Руснацох и Українцох у Приморско- ґоранскей жупанї на очуваню
култури и традициї. Як наглашел амбасадор Лубкивский - змоцнює
вязи помедзи Горватску и Україну.
Як
предсидатель дружтва „Рушняк“, поряднє орґанизує „Днї култури
Руснацох и Українцох у Риєки“, концерти руских и українских
писньох, вельочислени ликовни вистави а и сам малює и виклада як у
жеми так и у иножемстве.
Постарал ше аж и же би Руснаци и Українци з часу на час мали
Службу Божу хтору им приходзи служиц o.
Михал Симунович аж зоз Крижевцох.
Святочни полудзенок за госцох пана Провчия як и за амбасадора
Лубкивского та аташеа за културу Ярослава Симонова, пририхтали
город Риєка и ПҐЖ у ексклузивним готелу Бонавиа.
А.Балатинац
|
