На вечару русинскей и українскей литератури у Риєки, 03.07.2010. року у малей сали Филодраматики представена збирка писньох «Рускей писнї» Любици Гаргай зоз Вуковару.

Поетеса представела вибрани писнї як «Чи ше стретнєме дакеди...», «Кед швита», «Бешеда старей мацери» и други зоз своєй першей збирки. Виривки зоз рецензиї Штефана Гудака, Оксани Тимко Дїтко и Любки Фалц на тоту збирку читали члени литерарней секциї: Звонко Дудаш, Десанка Дудаш, Ґабриєла Ткалец, Лидия Павлович и Никола Чапко. Вечар поезиї отворела предсидателька Дружтва Славица Дудаш и представела госца вечара, поетесу зоз Вуковару. Музичну часц превжал ансамбл «Калїна». Задзековна риєчка публика дзековала зоз богатим аплаузом на дарункох того вечара, на поезиї и писньох.

После вечара поезиї у просторийох Дружтва на Кантриди отримани  «Прадки» по трецираз у тим року, на хторих окрем традицийного дружегя членох Дружтва и госцох отворене викладанє фотоґрафийох и малюнкох штирох ауторох, членох Фото и филм секциї Дружтва Русинох и Українцох «Калїна» зоз Риєки. 

Дзекуєме поетеси Любици Гаргайовей же нас нащивела и на єй поезиї у хторей зме уживали, дзекуєме шицким учашнїком и шицким хтори того вечара пришли звелїчац наш вечар поезиї.

Славица Дудаш