|
„Зла жена“ знова на сцени
У
режиї Якима Ерделя, у Илоку
15.01.2009 року, виведзена премиєра комедиї
„Зла жена“, Йована Стериї Поповича а у виводзеню драмскей секциї
КУД-а „Яким Гарди“ зоз Петровцох.
Нєзвичайно, пре поволанку хтору достали од
Словакох зоз Илоку, же би госцовали на их дню Владимира , нє
сцигли премиєру перше отримац дома. Алє Петровски патраче з тим
нїч не страцели бо уж 17.01. 2009. року комедия виведзена и у
Петровцох. Патраче барз крашнє прияли представу и коментаровали же
є найлєпша по тераз.
Иншак, тота комедия першираз виведзена у Петровцох
ище 1974. року а од „старих“ ґлумцох нїхто нє у новей постави лєм
панї Ружа Кишова, котра тераз шептачка.
У представи ґлумя: Звонимир
Колбас (ґроф Трифич),
Ивана Колбас (Султана),
Ирена Надь (Перса),
Даниєл Вашаш (Штефан),
Томислав Рац (Срето)
и Блаженка Мудри (Пела).
Шептачки Невенка Колбас
и Ружица Киш, за
шминку ше постарала Снєжана Лехолат
а за шветло Мирослав Колбас,
док тон и ефекти „надпатра“ Владимир
Дудаш-Данков. Сцену зробели
Златко Медєши и
Мирослав Лехолат а
костими Миряна Токарский. Режию, як зме уж
написали, подписує Яким Ерделї.
Драмска секция ма вельо виплановани наступи а уж
06.02.2009. року наступя на 6. Смотри драмских аматерох Вуковарско
– сримскей жупаниї хтора ше отрима у Ретковцох. Смотра
змагательного характеру а перши ше пласує на Державну смотру.
Уж маю порадзени наступи у Коцуре, Старих Янковцох
и Дюрдьове а наздаваю ше же нащивя ище даєдно нашо место, як и же
наступя на драмским мемориялє у Руским Керестуре.
Агнетка Балатинац
|
