|
Миклошевци 2009
Всоботу и
внєдзелю 29. и
30. авґуста 2009. року у Миклошевцох ше отримала
XXIV културна манифестация „Миклошевци 2009“.
29.авґуста
2009. р отримана промоция кнїжкох Камень гора Агнетки Костелник
Балатинац и Най ше нє забудзе - Руснаци у Горватскей аутора Дюри
Лїкара.
Зоз
пригоднима виривками зоз кнїжкох и рецензийох котри читали члени
КУД-а Яким Ґовля, Мария Сабадош и Сандра Лїкар а под
руководзеньом проф. Мариї Хома котра читала виривки зоз рецензиї
Мирона Жироша на збирку поезиї Агнетки Костелник Балатинац Камень
гора, та зоз читаньом виривкох зоз кнїжки Дюри Лїкара,Най ше нє
забудзе Руснаци у Горватскей а котри презентовала Ксения Лїкар и
зоз провадзеньом женскей шпивацкей ґрупи, дуету Гелени и Ани Бучко
та солисткинї Агнети Тимко, котри на тот завод одшпивали пригодни
писнї, презентациї були занимлїви ширшей публики. На концу о
кнїжки Дюри Лїкара бешедовали и рецензенти о.Яким Симунович и
проф.др Янко Рамач як
и сам автор.
Нєдзельова програма започала зоз службу Божу, отвераньом виставох
дружтва Нашо дзеци зоз Миклошевцох як и маляра Владимира Провчия
зоз Матульох, та етно збирки миклошевского музею а як дознаваме и
Керестурски бициґлисти, уж традицийно пришли поздравиц
Миклошевску манифестацию.
Пополадньова програмна Поздрав
ровнїни, прицагла вельке число патрачох а наступели домашнї, КУД
Яким Ґовля, КУД Яким Гарди зоз Петровцох,КУД Осиф Костелник
зоз Вуковару,КПД Руснацох и Українцох зоз Винковцох, Дружтво
Рушняк Приморско-ґоранскей жупаниї та госцуюци друштва: КУД
Ясен зоз Шаптиновцох,КУД Иван Брнїк Слковак зоз Єлисавцу и
КУД Петефи Шандор зоз Даль Планини.
Внєдзелю вечар цаловечарши концерт отримало КУД Яким Ґовля зоз
Миклошевцох.
Агнетка Балатинац
|
