|
КУД „Яким Ґовля“ Миклошевци
успишно представело свою роботу
Керестурчаньом
Пред
скоро полну Вельку Салу керстурского Дома култури, КУД „Яким
Ґовля“ зоз Миклошевцох, 23.
януара 2010. року отримал перши од двох наявених
концертох у Войводини.
Зоз рижнородносцу
свойого богатого репертоару, котри облапя танци и писнї нє лєм зоз
Бачкей и Сриму алє и зоз нашей прадїдовщини, Миклошевчанє на
атрактивни способ прицагли увагу публики и затримали їх увагу од
самого початку по конєц концерту.
Зменююци ше у танцох и
писньох, аматере того КУД-а остали дошлїдни квалитети котра уж
даскельо роки провадзи тото Дружтво а моцне кляпканє було
потвердзенє же їх труд дал резултати котри патраче препознаваю.
Танєчну ґрупу водзи
Златко Гирйовати, Женску жридлову ґрупу Мария Хома а дует Гелену и
Ану Бучко, Юлин Бучко.
Предсидатель КУД „Яким
Ґовля“, Мирослав Гайдук, подзековал домашнїм на щирим приєму а
директор Дома култури, Владимир Малацко членом Дружтва, на удатним
концерту.
По законченим коцерту,
Миклошевчанє були поволани на „Прадки“ - бал просвитних роботнїкох
до ОШиҐ "Петро Кузмяк". Цикаве за госцох було же ше на „Прадкох“
служа традицийни руски єдла як цо то капусна, парадичова и била
мачанка, колбаси, месо, капущанїки, белюши, череґи, горгелї а
нашла ше ту и богата томбола котру Сримцом подаровали домашнї та
през франту, веселих гудацох и розположених орґанизаторох
„Прадкох“, „прадкованє“ тирвало длуго вноци.
Надпомнїме же „Прадки“
орґанизовал школски синдикат котрому винчуєме на успишносци а
кухаром керестурскей Школи "Петро Кузмяк", на смачней
вечери.
Агнетка Балатинац
|
