Осєк, 14-16. май 2010

Мальованє...

Владимир Дороґхази

Еуфемия Новта

Владимир и Вера Провчи

Владимир Провчи

РКУД „Др.Гавриїл Костельник“ Кула

КПД Русинох и Українцох Осєк

Закончена III подобова колония КПД Русинох и Українцох Осєк у Альмашу

У орґанизациї КПД Русинох и Українцох Осєк, од 14. - 16. май 2010. року отримана III Подобава колония у Альмашу.

На тогорочней колониї учасц вжали пейц подобово творителє и то: Владимир Дороґхази, Ведрана Кетелеш, Еуфемия Новта, Владо Няради и Владимир Провчи.

Кажди учашнїк ма длужносц намальовац найменєй два малюнки под час тирваня Колониї котри оставаю у фундусу Дружтва. Тематика по виборе малярох. Колония ма и едукативни характер та ше прето Дружтво намага поволац и младих уметнїкох котри на тот способ можу учиц од старших и искуснєйших.

Заверанє Колониї звелїчало  РКУД "Др Гавриїл Костельник" з Кули котре наступело зоз рускима народнима писнями под дириґентску палїчку Еуфемиї Планкошовей. Источашнє то було и врацанє нащиви котру мало КПД Русинох и Українцох з Осєку даскельо тижнї скорей у Кули. Наступело и КПД Русинох и Українцох Осєк зоз мишану шпивацку ґрупу и тамбурову орхестру под дириґентску палїчку Мирослава Шимовича.

Агнетка Балатинац