Наявце збуваня у ваших местох прейґ наших веб бокох e-mail:

фото албум

КПД Русинох и Українцох Осєк отримал 23. БАЛ

Соботу, 06. фебруара 2010. року,  у ресторану „Копика “ у Осєку, отримани 23. бал Русинох и Українцох .

Наступели члени КПД Русинох и Українцох Осєк зоз хором и тамбурову орхестру а познєйше ше представела и хлопска шпивацка ґрупа котра шпивала за забаву и танєц.

Зоз Рускима народнима танцами представели ше здружено КУД „Яким Гарди“ зоз Петровцох и КУД „Осиф Костелник“ зоз Вуковару  а шпивали Давид Морган и Михал Голик.

Коло 140 госцох забавял „Микс бенд“ зоз Руского Керестура а медзи иншима, тому културно забавному вечару були присутни и високи госци медзи котрима соборски заступнїк Назиф Мемеди, потредсидатель Совиту за национални меншини Никола Мак, член Совиту Звонко Костелник, предисдателька Созюу Русинох и Українцох Любица Морган и други.

Забавна часц найцикавша гевтим хтори освоя даяку награду на томболи лєбо у танцу шерца.
Главна награда на томболи, ЛЦД телевизор пошол до Миклошевцох, щешлїви лїсток мала Блаженка Ждиняк а у танцу шерца найщешлївши були Любица Морган и Иґор Провчи.

Агнетка Балатинац