Културне дружтво Руснацох и Українцох Винковци

отримало  21.фебруара 2009. року 14. Вечар Руснацох и Українцох городу Винковцох.

У приємней атмосфери готелу „Ґем“. у Винковцох, КД Руснацох и Укараїнцох Винковци сердечно дочекало и привитало шицких госцох хтори того жимского вечара припутовали до городу на Босуту.

По привитним слову предсидателя Дружтва, хор КД Винковци под руководзеньом панї Анастазиї Коняревич а под дириґентску палїчку Зорана Циковца одшпивали штири писнї: „Ей млїнару“, „А за нашим селом“, „Пада диждж“ и „Шпиваночки мойо“. Солиста у остатнєй писнї бул пан Микола Пап а хор цали час провадзел орхестар КД Руснацох и Українцох Винковци.

Предсидатель Дружтва наглашел же Дружтво источашнє слави и 15. рочнїцу Дружтва а за свою роботу достали и Припознанє Жупаниї од Вуковарско- сримскей жупаниї.

То бул лєм увод до барз приємного вечара котри прецекал у цеплей, поведли би зме фамилиярней атмосфери. Окрем любезних домашнїх, тому допринєсла и орхестра под руководзеньом доаєна нашей музики, пана Янка Чордаша котри на тот завод приведол зоз собу ище 7 музичарох. Нашол ше ту и подросток Матусових котри указали як млади можу розвивац свойо музични таланти и любов ґу свойєй писнї.

Танєц шерца одтанцовани по шицких правилох „танцу шерца“ а побиднїци, зоз векшини нєщешлївим числом 13, були Агнетка Балатинац и Данил Перунски.

Танцовало ше и шпивало у нєформалней атмосфери по саме швитанє.

Агнетка Балатинац