Риєка,  04. децембер 2011.

Вечари русинскей и українскей литератури у Риєки

Внєдзелю, 04.децембра 2011. року, з початком на 18.00  годзин, у малей сали Филодраматики шварти рок за шором, у Риєки отримани Вечари русинскей и українскей литератури.

Тема вечера була: Тарас Шевченко и його дїялносц як маляра. Госц вечара було Друштво за українску културу зоз Загребу и Алекса Павлешин. У 40 минутним викладаню приказана биография Тараса Шевченка, його дїялносц як малярa и технїки хтори применьовал.

Новосц того року то преширена музична часц манифестациї зоз госцованьом друштвох зоз хторима „Калїна“ длугши час зазначує успишне сотруднїцство: шпивацка група Словенка, Матици словацкей и Аленом Поличом зоз Риєки, а домашнї – ансамбл Калїна – знова нєсподзивал рублику зоз новима писнями.

Назва „Вечари русинскей и українскей литератури“ з правом би ше могли наволац  „Вечари русинскей и українскей култури“! Дзеведзешат минутна програма прилапена од публики з одушевеньом а мала сала Филодраматики була того вечара премала за шицких зацикавених та єдна часц патрачох програму провадзела на стояцо.

Окремну винчованку и поздрав шицким учашнїком манифестациї як и жаданя за дальши успишни розвой того малог друштва зоз Риєки послал амбасадор України у Горватскей, Олександр Левченко.

Славица Дудаш

(аба)