Осиєк, 5.  новембер 2011

Побиднїки:
Мирослав Мудри
(треце место), Златко Гаргай (перше место) и Йоаким Голик
(друге место)

опатрице
крадки филм
 

 Отримани Мемориялни турнир „Владимир Тимко“ у столним тенису

У Осиєку, 5.11. 2011 року, у орґанизациї КУД Руснацох Осиєк, отримани мемориялни турнир „Владимир Тимко“ у столним тенису. Змагали ше: Томислав Мишир, Златко Гаргай, Владо Еделински, Зденко Сивч, Мирослав Мудри, Йоаким Голик, Нада Йованович, Мирко Рибич, Ромко Гаргай, Янко Чордаш, Мирослав Дїтко и Оґнєн Здравкович.

Понеже турнир мемориялного характеру, правила прилагодзени обставином спрам числа бавячох алє ше взагально притримує общих правилох бавеня.

Резултати по першим кругу були шлїдуюци: Златко Гаргай – Ромко Гаргай 2:0, Зденко Сивч-Мирко Рибич 2:0, Йоаким Голик – Нада Йованович 2:0, Владо Еделински – Мирослав Мудри 0:2, Янко Чордаш – Оґнєн Здравкович 2:1, Мирослав Дїтко – Томислав Мишир 1:2.

У другим кругу бавели: Мирослав Мудри – Томислав Мишир 2:0, Зденко Сивч – Златко Гаргай 0:2, Янко Чордаш – Йоаким Голик 0:2. У полуфиналу бавели Златко Гаргай, Мирослав Мудри и Йоаким Голик. Златко Гаргай и Мирослав Мудри одбавели 2:0 а Йоаким Голик бавел зоз побиднїком. У тим случаю то  бул Златко Гаргай. Финале Златко Гаргай – Йоаким Голиик 2:1. Перше место освоєл Златко Гаргай, друге Йоаким Голик а треци бул Мирослав Мудри.

После турниру ушлїдзела окрипа а вец ше и зашпивало по руски, та соботове пополадню, у таким велькиим стредку, котри понука рижни файти активного препровадзованя часу, понукло тей соботи и рекреативни хвильки за Руснацох.

Агнетка Балатинац

(аба)