Наявце збуваня у ваших местох прейґ наших веб бокох e-mail:

Познати писатель и публициста Мирон Жирош отримал преподаваня о Руснацох и презентовал свойо кнїжкох по наших местох.

Першираз у самостойней Горватскей, Руснаци и шицки зацикавени мали нагоду привитац у своїх стредкох нашого визначного публицисту и писателя Мирона Жироша, котри през велї роки витирвало и зоз педантносцу историчара, зазберовал, виглєдовал, путовал до крайох наших предкох и витворел свой заплановани проєкт
„БАЧВАНСКО–СРИМСКИ РУСНАЦИ ДОМА И У ШВЕЦЕ“  (1745–2005) скоро по сам конєц.

Мирон Жирош по тераз написал и обявел:

1. „ПОГЛЯДИ ДО ПРЕШЛОСЦИ”, Грекокaтолїцка пaрохия св. Петрa и Пaвлa, Нови Сaд, 1995, 144 боки, тираж 600 прикладнїки.

11. „БАЧВАНСКО-СРИМСКИ РУСНАЦИ ДОМА И У ШВЕЦЕ (1745–2001)”, VII. том „Сообщеня и реферати”, „Драгописи и есеї” и „Статї и розправи” НВУ „Руске слово”, Нови Сад, 2008, 500 боки, тираж 350 прикладнїки.

О проєкту „БАЧВАНСКО-СРИМСКИ РУСНАЦИ ДОМА И У ШВЕЦЕ“ сам аутор гуторел:

Цали проєкт комплексно спатра судьбу Руснацоx у цудзини, як видвоєней часци малого народа без своєй держави, котри бул примушени згинац ше як над, повиновац ше и служиц державотворним народом, буц понїзни, алє постац и остац чесни, достоїнствени и горди. Руснаци свою чесц и славу нє здобули з пушку и мечом у рукоx однїмаюци цудзу жем, алє зоз свою витирвалу роботу и зоз своїм знаньом здобували и будовали свойо чесне место у стредку и дружтве дзе жили и жию.

За 260. роки своєй одцудзеносци од споконвичниx кореньоx, Руснаци витворели власну традицийну моц и свой дуx окрипйовали надовязуюци ше на своїx предкоx и унапрямююци ю ґу своїм кревним и дуxовним братом угнобеним на власней жеми и розшатим у цудзини. Тота традицийна моц, тоти лєтаци моxотки, як „Миxалово лєто“, давали му надїю же и вони єдного дня постаню єдни и єдинствени, же буду и останю обвити з чувством сиґурносци, же и вони, (а то ми, їx потомки), нє останєме сами, же ми нє нїxто и нїчий, затрацени у цудзини, алє часц єдней велькей, витрапеней, угнобеней и запутаней матки–старуxи, цо воскресла до младей паночки, котра праве здобула полнолїтсво од свойого власного народзеня.

Прето, тоти седем томи, цо творя тот проєкт – три вельки цалосци котри представяю

– „Бачванско-сримскиx Руснацоx дома и у швеце“,

– „їx роботносц, ґаздованє, образованє и традицийну културу“,

– як и „душу и дуx“ руского єства.

Тоти 4.000 боки тексту з илустрациями єдинствена цалосц о живоце Руснацоx (єдного микро народа), шведоча, же Руснаци остали гвизди у вселени и нє скапали у морю народоx котри иx заплюсковали, але остали и постали шветли драгокази другим народом на їx драги у III милениюме.

А.Балатинац