Осиєк, 23. януар 2012.

Поволанка на 25. бал Руснацох Осиєку

КУД Руснацох Осиєк, орґанизує
11. фебруара 2012. року,
25. бал, културно – забавни вечар, Руснацох котри ше отрима у ресторану „Копика“ з початком на 20 годзин.

Попри смачней вечери, будзе танєц шерца и богата томбола а присутних будзе забавяц оркестер Владимира Сивча зоз Нового Саду.

У културней часци програми наступи КУД „Яким Ґовля“ зоз Миклошевцох и КУД Руснацох зоз Осиєку.

Уходнїци по цени од 100 куни можеце резервовац на число мобителу
+385 91 160 30 92
Зденко Сивч

 (аба)

Осиєк, 23. януар 2012.

РЕТРОСПЕКТИВА ПУБЛИЦИСТИЧНЕЙ ТВОРЧОСЦИ ДЮРИ ЛЇКАРА И У ОСИЄКУ

У орґанизациї представнїка рускей националней меншини Осєцко – бараньскей жупаниї Агнетки Балатинац и КУД Руснацох Осиєк орґанизовани ретроспективни приказ публицистичней творчосци Дюри Лїкара.

вецей...

Дюрдьов, 17. януар 2012.

МИНИ ЮВИЛЕЙ РУСНАЦОХ У СЕРБИЇ

У Дюрдьове, 15. януара 2012. року, отримана централна шветочносц означованя 17. януара - Националного швета Руснацох у Сербиї.

вецей...

Осиєк, 17. януар 2012.

Представнїк рускей националней меншини Осєцко-бараньскей жупаниї
и
КУД Руснацох Осиєк

орґанизую

на соботу, 21. януара 2012. року на 18 годзин у просторийох КУД Руснацох Осиєк, Франкопанска 53 Осиєк

ретроспективни приказ публицистичней творчосци Дюри Лїкара. О кнїжкох будзе бешедовац сам автор а КУД Руснацох одшпива даскельо шпиванки.

По законченей програми будзе заєднїцке друженє.

(аба)

Осиєк, 10. децембра 2011.

КУД Руснацох Осиєк на Крачунским концерту при Словакох

Осиєк - 10. децембра КУД Руснацох Осиєк наступело на Крачунским концерту у Осиєку котри 13 раз орґанизовала Матица Словацка з Осиєку.

Одшпивали два крачунски шпиванки („В Вифлеєми новина“ и „Пречистая дїва“) а провадзела их тамбурова оркестра истого дружтва.

(аба)

Риєка,  04. децембер 2011.

Вечари русинскей и українскей литератури у Риєки

Внєдзелю, 04. децембра 2011. року, з початком на 18.00  годзин, у малей сали Филодраматики шварти рок за шором, у Риєки отримани Вечари русинскей и українскей литератури.

Тема вечера була: Тарас Шевченко и його дїялносц як маляра. Госц вечара було Друштво за українску културу зоз Загребу и Алекса Павлешин. У 40 минутним викладаню приказана биография Тараса Шевченка, його дїялносц як малярa и технїки хтори применьовал...

вецей...

Войводина, 3. децембра 2011.

РЕТРОСПЕКТИВА ПУБЛИЦИСТИЧНЕЙ ТВОРЧОСЦИ ДЮРИ ЛЇКАРА У ВОЙВОДИНИ

У децембру у Войводини означени 21. днї Миколи М. Кочиша и 5. Поетски нїтки Меланиї Павлович. З тей нагоди 8. децембра отримана ретроспектива публицистичней творчосци учителя Дюри Лїкара у Коцуре и Новим Садзе...

вецей...

Осиєк, 3. децембра 2011.

Тамбурова и хорска секция КУД-а Руснацох Осиєк

опатрице
крадки филм
 

7. „Дравски габи“ – стретнуце хорох и шпивацких ґрупох Руснацох Горватскей

З нагоди Дня городу Осиєку, КУД Руснацох Осиєк уж седми раз орґанизує манифестацию „Дравски габи“, стретнуце хорох и шпивацких ґрупох Руснацох.

Всоботу, 03. децембра, дзень скорей виберанкох за Собор РГ, у Осиєку у ткв. „шечеранским доме“, отримани 7. „Дравски габи“, стретнуце хорох и шпивацких ґрупох Руснацох РГ а котри члени Союзу Русинох и Українцох РГ...

вецей...

Заґреб,  19. новембер 2011.

Отримал ше културни вечар Руснацох - бал и Дзень Руснацох Републики Горватскей у Заґребу

Всоботу, 19. новембра 2011. року,  у ресторану „Казабланка“ у Заґребу,отримани  Културни вечар Руснацох - бал и Дзень Руснацох Републики Горватскей.

Орґанизатор бул Представнїк рускей националней меншини городу Заґребу, мр.сц. Ириней Мудри. Вецей можеце пречитац на тим линку.

(аба)

Миклошевци, 6.  новембер 2011

youtube

 ПРЕСЛАВЕНА 160 РОЧНЇЦА ПРИСЕЛЄНЯ РУСНАЦОХ ДО МИКЛОШЕВЦОХ

У Миклошевцох, внєдзелю, 6. новембра,   отримана шветочносц з нагоди 160-рочнїци приселєня Руснацох до Миклошевцох.

Програма почал зоз службу Божу а предлужела ше у пополадньових годзинох зоз Шветочну схадзку. На шветочней схадзки, попри визначних госцох зоз општини Томповци,општини Стари Янковци, месного одбору, та висланїка Крижевского владики, бул назочни и жупан Вуковарско - сримскей жупаниї Божо Ґалич котри бешедовал о значносци мултиетнїчносци на тих просторох и наглашел же Жупанїя вше ма слуха за потреби националних меншинох а як приклад тому то и конкретни роботи коло подзвигованя стандарду з меншинским жительством. Реферати о присельованю Руснацох до Миклошевцох пречитали Дюра Лїкар по руски и Агнетка Балатинац по горватски...
 

вецей...

Осиєк, 5.  новембер 2011

Побиднїки:
Мирослав Мудри
(треце место), Златко Гаргай (перше место) и Йоаким Голик
(друге место)

опатрице
крадки филм

 Отримани Мемориялни турнир „Владимир Тимко“ у столним тенису

У Осиєку, 5.11.2011 року, у орґанизациї КУД Руснацох Осиєк, отримани мемориялни турнир „Владимир Тимко“ у столним тенису. Змагали ше: Томислав Мишир, Златко Гаргай, Владо Еделински, Зденко Сивч, Мирослав Мудри, Йоаким Голик, Нада Йованович, Мирко Рибич, Ромко Гаргай, Янко Чордаш, Мирослав Дїтко и Оґнєн Здравкович...

вецей...

(аба)

Осиєк, 30. октобер 2011

презентация

ПРЕСЛАВЕНЕ ХРАМОВЕ ШВЕТО

У Осиєку, у церкви Христа Царя, 30. октобра преславене храмове швето.

Пред полну церкву вирнїкох, святочну Литурґию предводзел о.Иван Барщевски, славонско бродски парох, декан Славонского деканату та викар Славонско-сримского викарияту Крижевского владичества а сослужовали...

вецей...

Заґреб

РЕЗУЛТАТИ ВИБЕРАНКОХ ЗА РАДИ И ПРЕДСТАВНЇКОХ НАЦИОНАЛНИХ МЕНШИНОХ ПО ОПЧИНОХ, ГОРОДОХ И ЖУПАНИЙОХ

Руснаци спрам заступеносци у числу жительства на одредзеним подручю, мали право виберац предтавнїкох и ради своєй националней меншини у опчинох, городох и жупанийох.
Виберанки отримани 10. юлия 2011 а нєдавно обявени и конєчни резултати, котрих приношиме з веб бокох Державного виберанкового поверенїцства.

Кажда Рада спомедзи вибраних членох медзи собу вибера предсидателя и подпредсидателя а Представнїк вибрани накеди обявени званични резултати виберанкох и по прецеку року за пригварки. Так у Осєцко-бараньскей жупаниї за представительку вибрана Агнетка Балатинац а у Городу Заґребу Ириней Мудри.

За предсидательох Радох у опчинох Томповци и Боґдановци вибрани Мирослав Лїкар и Яким Вашаш, у городу Вуковару Лела Дїтко а на уровню Вуковарско-сримскей жупаниї Яким Ерделї.

Препатрунок вибраних кандидатох зоз звиту Державного виберанкового поверенїцства РГ.

Руснаци

  (аба)

Петровци, 2. октобер 2011

крадки филм

ПЕТРОВСКА ПАРОХИЯ НАПОЛНЄЛА 175 РОКИ

ШВЕТОЧНОСЦ У ПЕТРОВСКЕЙ ЦЕРКВИ

У Петровцох, 2.октобра 2011 року преславене Храмове швето и шветочно означена 175. рочнїца Петровскей парохиї.

У Петровцох, 2. октобра 2011 року у церкви Покрову Пресвятей Богородици, преславене Храмове швето и шветочно означена 175. рочнїца Петровскей парохиї.

<iframe width="420" height="315" src="http://www.youtube.com/embed/pI1z3yKOL0k" frameborder="0" allowfullscreen></iframe>

вецей...

Заґреб, 24. септембра 2011

АКТИВНОСЦИ КПД РУСИНОХ И УКРАЇНЦОХ ЗАҐРЕБ

ШВЕТОЧНОСЦ З НАГОДИ 20.РОЧНЇЦИ НЄОВИСНОСЦИ УКРАЇНИ И ВЗАЄМНОГО ПРИПОЗНАНЮ УКРАЇНИ И ГОРВАТСКЕЙ

КПД Русинох и Українцох Заґреб, Горватско-українске дружтво приятельства у сотруднїцстве зоз Українску амбасаду у РГ и зоз потримовку Совиту за национални меншини РГ, на соботу, 24. септембра 2011. року на 11 годзин у Українскей улїчки (Нови Заґреб,Травно, паркиралїще „Мамутици“ и солитеру число1. - Коперникова улї.), при древу ґестинї и спомин-табли, орґанизую з нагоди 20. рочнїци нєовисносци України и взаємного припознаня України и Горватскей ШВЕТОЧНОСЦ - КУЛТУРНУ ПРОГРАМУ.

   (сбу/аба)

Миклошевци, 08. септембер 2011

фото албум

ПРЕСЛАВЕНИ КИРБАЙ У МИКЛОШЕВЦОХ

У Миклошевцох 8. септембра на швето Рождества Пресвятей Богородици преславени Кирбай. З тей нагоди у Грекокатолїцкей церкви, хтора тиж ноши мено Мацери Божей, у присустве велького числа вирних як домашнїх так и госцох, отримана Служба Божа, хтору предводзел оцец др Яков Кулич з Коцура, хвильково професор у Риме. Сослужовали ище: зачасни каноник Петар Петрович, парох зоз Слаковцох, о. Стєпан Маросавац зоз Дякова, о. Владимир Маґоч парох вуковарски, о. Владислав Рац зоз Коцура, о. Михайло Режак зоз Шиду, о. Владимир Седлак парох петровски и домашнї о. Яким Симунович.

У казанї, хтору отримал о. Владимир Седлак, наглашене же улога Мацери Божей у живоце християнох треба буц приклад пожертвованя и закладаня, надвишиц власни интереси и жаданя за заєднїцки лєпши живот.

Служба Божа закончена зоз отпусним обходом коло церкви, читаньом штирох Евангелийох на шицки штири боки швета и шпиваньом „Многая лїт“.

Ксения Лїкар

  (аба)

Миклошевци, 27. и 28. авґуст 2011.

фото албум манифестациї

фото албум „Вечар рускей писнї“

"26. КУЛТУРНА МАНИФЕСТАЦИЯ МИКЛОШЕВЦИ 2011"

„Поздрав ровнїни“
 

У Миклошевцох ше 27. и 28. авґуста 2010 року отримала традицийна XXVI културна манифестация „Миклошевци 2011“.
У програми под назву „Поздрав ровнїни“ участвовали 10 Културно–уметнїцки дружтва зоз Горватскей...

вецей...
 

Миклошевци, 27. и 28. авґуст 2011.

З лїва на право:Славко Надь, Йовґен Медєши ст.,Владимир Бесерминї, Михайло Пашо и Славко Пап 

"МИКЛОШЕВЦИ 2011"

БИЦИҐЛИСТИ НАЩИВЕЛИ СРИМ

Пияте, мини–ювилейне, приходзенє керестурских бициґлистох до Миклошевцох под час отримованя Манифестациї под мотом „По драгох наших предкох“ постало уж традицийне.

Того року у ранших годзинох 28. авґуста зоз Руского Керестура рушели Йовґен Медєши ст., Михайло Пашо и Славко Пап хторих на авту провадзели Владимир Бесерминї и Славко Надь.

Дочекал их и привитал Желько Лїкар, а пред самим вечаром, окрипени и дакус одпочинути домашнї их сердечно випровадзели.

 (клї/аба)

Миклошевци, 20. юний 2011

Поволанка за приманє припознаньох

Юлин Бучко

КУД „Яким Ґовля“

КУД „Яким Ґовля“ зоз Миклошевцох на 50. фестивалу рускей култури „Червена ружа“ у Руским Керестуре достанє окремне припознанє

Од 23. по 26. юний 2011. у Руским Керестуре ше отрима ювилейни 50. фестивал рускей култури „Червена ружа“. КУД „Яким Ґовля“ зоз Миклошевцох вежнє значну учасц на тим фестивалу а достанє и окремне припознанє котре будзе дозелєне 23.06. 2011. року на 18 годзин у будинку Школи "Петро Кузмяк", у Руским Керестуре.

Припознанє, постхумно достанє и Юлин Бучко.

На пияток, 24. юния на 20 годзин наступя Гелена и Ана Бучко на Ретроспективи „Червених Ружох“ а на соботу, 25. юния на 17 годзин на „Червеним пупчу“ наступи дзециньска фолклорна секция КУД „Яким Ґовля“. Истого дня на 21 годзин, на святочним концерту „На штред широкей ровнїни“, медзи визначнима госцами зоз України и Словацкей, наступи и старша фолклорна секция КУД „Яким Ґовля“.

(зги/аба)

Петровци, 19. юний 2011

Фото албум

Rutheniada

Внєдзелю, 19.юния 2011. року у Петровцох отримана 4. Рутенияда, дзециньске змаганє у  старих бавискох. Наступели 7 екипи у младшей и 5 у старшей катеґориї. Пришли бавяче зоз Винковцох, Вуковару, Миклушевцох, Старих Янковцох, Коцура, Керестура и Петровцох. Того року ше змагало у шлїдуюцих бавискох : чинаґанє, пиличканє, руцанє подковох, джочканє, беганє у меху и поцагованє штранґу. Побиднїк у младшей катеґориї була екипа  домашнїх - Петровци 1, а у старшей госцуюца  екипа зоз Коцура.

Репoртажа будзе приказана на нєдзелю 26.06. на РТВ2 (Нови Сад 2) у „Маґазину“ и на  Винковскей телевизиї у емисиї „Суживот“.

Покровитель "Рутенияди" була Вуковарско-сримска жупания, орґанизатор Координация рускей националней меншини Републики Горватскей а соорґанизатор Рада рускей националней меншини Вуковарско-сримскей жупаниї.

Лела Дїтко, (аба)

Петровци, 11. и 12. юний 2011

Фото албум

Отверанє вистави

Промоция кнїжкох

Музично-литературни вечар

Покладанє венцох

Служба Божа

Дзвончок

Дзвон

38. Петровски дзвон

Под високим покровительством Совиту за национални меншини РГ а у орґанизациї Союзу Русинох и Українцох РГ и КУД „Яким Гарди“ Петровци, у Петровцох, 11. и 12. юния 2011. року отримана  централна манифестация култури Русинох и Українцох Републики Горватскей – 38. „Петровски дзвон“.

Всоботу, 11. юния у пополадньових годзинох у Етноґрафскей збирки Русинох и Українцох РГ була отворена вистава ретроспективи подобових колонийох Альмаш котри орґанизує КУД Руснацох Осиєк. Виставу отворела предсидателька КУД Руснацох Осиєк, Дубравка Рашлянин.

У предвечарших годзинох отримана промоция кнїжкох у виданю Союзу Русинох и Українцох РГ. Промотор була главна и одвичательна редакторка Вера Павлович...

вецей...

  Руснаци у Горватскей достали герб, заставу и святочну писню

вецей...

  КД Руснацох и Українцох Винковци видали уж треци двд

Дзепоєдни писнї можеце послухац на тих линкох:

http://www.youtube.com/watch?v=zEDrC18kFa0&feature=related

http://www.vimeo.com/6411478

http://www.vimeo.com/6402537

http://www.vimeo.com/4992053