|
|
|
|
Миклошевске
лєто 2003 |
|
|
|
|
Миклошевци,
03. 08. 03. |
 |
Друга по шоре манифестация
"Миклошевске лєто 2003" отримана прешлей нєдзелї у Миклошевцох
у орґанизациї КУД-а Яким Ґовля зоз Миклошевцох, а покровителє
були Уряд за национални меншини Влади Републики Горватскей,
Жупания вуковарско-сримска и Општина Томпоєвци.
|
|
|
|
 |
Манифестация започала
дополадня покладаньом венцох жертвом отечественей войни. После
Служби Божей, хтора отримана у миклошевскей грекокатолїцкей
церкви Рождества Богородици, у школи отворени виставки трох
наших уметнїкох. Виставка малюнкох Владимира Провчия зоз Риєки,
накиту Татяни Крамер нар. Провчи, тиж зоз Риєки и скулптурох
Дамира Надьа зоз Вуковару. |
|
|
|
 |
На святочней схадзки КУД-а
Яким Ґовля представени два нови кнїжки на руским язику. Перша
кнїжка писньох пок. Весни Папуґи-Берец зоз Миклошевцох "Швет з
Валькох" хтору вєдно видали НВУ "Руске Слово" и Союз Русинох и
Українцох РГ. О кнїжки бешедовали: Ґабриєл Такач, тайомнїк
Сойузу, Микола Шанта, директор НВУ Руске слово и нашо познати
писателє Агнета Бучко и Штефан Гудак.
Друга кнїжка у виданю Спортского дружтва "Русин" зоз
Миклошевцох, а видана є з нагоди 70. рочнїци того дружтва. О
кнйижки бешедовал сам аутор Дюра Лїкар зоз Миклошевцох.
На святочней схадзки Владимир Провчи зоз Риєки подаровал єден
подобови малюнок домашньому дружтву. |
|
|
 |
Програма пополадню була
смотра музичней и фоклорней творчосци, на хторей участвовали
нашо дружтва зоз Петровцох, Миклошевцох Липовлянох и Риєки, и
госцуюци дружтва зоз Бабскей и Нємцох. |
|
|
 |
Програма вечар була
пошвецена лєм шпиваню. Наступела вокално- инструментална ґрупа
"Роса" зоз Нового Саду, як и шпиваче Татяна Бодянец зоз Руского
Керестура и Владимир и Таня Крамер зоз Риєки. |
|
|
 |
През цали дзень бул отворени штанд
Друштва нашо дзеци зоз Миклошевцох на хторим були виложени дзецински
роботи. |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Весна Папуґа-Берец
Швет з валькох
Дюра Лїкар
СД "Русин"
|
